Estamos encantados de contarvos novas do noso alumnado deportista. Acudimos ao texto que as Escolas Deportivas de Celanova colgaron nas redes porque nel está perfectamente explicado o acontecemento do que queremos facer eco: 

¡NURIA na SELECCIÓN ESPAÑOLA! A selección feminina sub-15 de fútbol sala reunirase do 14 ao 17 de maio na Cidade do Fútbol das Rozas. 

O técnico Iñigo Martínez convocou a un total de 22 xogadoras, entre eles a nosa alumna Nuria Pascual, para unhas xornadas de adestramento técnico nas que realizarán catro adestramentos e un partido. 

Esta é a primeira convocatoria da Selección Sub-15.

Moitos parabéns, Nuria!!!

Nuria Pascual e Raúl González subcampións de España coa Selección Galega de Fútbol Sala.

 Nuria Pascual e Raúl González, ambos matriculados en 2.º ESO C no IES Celanova-Celso Emilio Ferreiro, acadaron coa Selección Galega de Fútbol Sala o subcampionato de España feminino e masculino que tivo lugar en Murcia.

A selección feminina, con Nuria Pascual como capitá, non puido coa selección andaluza, perdendo na final por un axustado 2-1, mentres que o equipo masculino, con Raúl González, perdeu 7-3 contra Catalunya .

Para máis información sobre este campionato pica aquí.

SUBCAMPIONATO PARA OS NOSOS E AS NOSAS! PARABÉNS!

Moitos parabéns a todos e todas! Pica na imaxe para acceder á noticia completa!

E accede aquí aos testemuños en vídeo: https://fb.watch/k69LrFdkkn/  e  https://fb.watch/k69AKnbDCK/

Feliz Día do Libro!!!

 En pleno apoxeo de partidos e competicións, o noso club de lectura e deportivo en colaboración co CEIP Curros Enríquez Basket x Libros felicita o día do libro levando á mascota Mouchiño á biblioteca da Casa dos Poetas. 

NURIA PASCUAL E RAÚL GONZÁLEZ CONVOCADOS COA SELECCIÓN GALEGA DE FÚTBOL SALA

Dous alumnos do IES Celanova debutaron coa selección galega de fútbol sala no Campionato de España que se disputa en Murcia nesta semana.

Xornada deportiva 2023: retomamos o que a pandemia nos roubara

Recuperamos a Xornada Deportiva que xa era tradición na prepandemia: o último día do segundo trimestre tocaba compartir actividade física con toda a comunidade educativa.

Así, celebramos a 4ª xornada deportiva na que participou o alumnado e o profesorado do centro. Practicamos diferentes deportes como fútbol sala, baloncesto, brilé e colpbol. 

Os resultados foron o de menos, o máis importante foi que todos practicamos deporte. Aquí queda unha pequena mostra das actividades. 

 

BXL : Agradecendo colaboracións

 Basket x Libros agradece neste fermoso vídeo as colaboracións e apoios na nosa vila! Pica na imaxe para velo completo.